| on Monday, 03 March 2008
|
Published in : , Bowling |
Entusiasma ! Esey ta mihor manera pa califica e “mood” di e hobenan cu ta participa na e Bowling Escolar di e Projecto Comunitario di Hyatt Regency Aruba Resort & Casino: Bo Tambe Por !
Y e hobenan ta demonstrando cu nan tambe por ! E scorenan ta excellente y tin algun cu ta “strike” cu cada tiro. E hobenan cu no a jega Eagle Bowling Center ainda, boso a perde 3 diasabra hopi great ! Pero tin un chance ainda, diasabra awor cu ta e ultimo dia, pues e final. Bin apoya bo team y pasa un atardi gezellig pasobra ta bai tin sorpresa pa tur esnan presente ! Manera menciona caba e scorenan ta impresionante y e hobenan ta tirando hopi bon. E standing te cu diasabra pasa ta manera siguiente: Colegio Arubano Playa y San Nicolaas ta bringando otro pa e promer lugar, La Salle College y Mon Plaisir College cu ta na di tres y di cuater lugar ta bringndo, buscando forma pa mehora nan standing mientras cu San Antonio ta na hilchi di Mon Plaisir na di cinco lugar, tratando di bai ariba. STANDING DI E DIFERENTE TEAM:
| TEAM |
16 FEB |
23 FEB |
1 MAART |
TOTAL PINS |
| Colegio Arubano Playa |
2,206 |
1,735 |
1,991 |
5,932 |
| La Salle College |
1,746 |
2,033 |
1,468 |
5,564 |
| Colegio Arubano San Nicolaas |
1,804 |
1,862 |
1,785 |
5,583 |
| Mon Plaisir College |
1,373 |
1,483 |
1,468 |
4,324 |
| St. Antonius College |
1,182 |
1,342 |
1,331 |
3,855 |
| EPB Oranjestad |
1,196 |
1,191 |
1,134 |
3,521 |
| EPB Santa Cruz |
1,154 |
1,213 |
1,475 |
3,842 |
| John Wesley College |
1,111 |
1,255 |
1,310 |
3,676 |
| Maria College |
1,087 |
1,278 |
1,353 |
2,365 |
| Filomena College |
1,159 |
1,179 |
1,199 |
3,537 |
| Abraham de Veer School |
953 |
1,264 |
1,206 |
3,423 |
| International School |
1,006 |
1,081 |
1,245 |
3,332 |
| Ibero American High-School |
1,008 |
0 |
0 |
1,008 |
| Colegio San Augustinus |
0 |
0 |
0 |
0 |
E apoyo di mayor y representante di school tambe ta creciendo. Nos kier a invita e mayornan y representante di school, cu ainda no a yega pa ta presente na e ultimo diasabra cu ta diasabra awor (8 di maart). Tur e meneer y juffrouwnan, tanchi y tionan, primo y primanan di e hobenan cu ta participa. Bin apoya bo team y duna nan mas smaak pa score. E team organisador ta kere cu e meta di e projecto a wordo logra caba, esta pa hasi hobenan conciente cu tin e deporte di Bowling y cu esaki ta hopi facil, accessible y dushi pa hunga. Cu e projecto aki tambe nos a logra concientiza e hubentud cu ta un bon idea pa inverti nan tempo den practica un deporte. Nos ta spera cu e acohida di Bowling sigui tambe cu e siguiente eventonan cu Bo Tambe Por ! ta bai enfoca ariba. E Torneo Escolar di Bowling di e cuater siman aki ta dedica na Tashaina Seraus, cu ta un medayista di oro den Bowling y a representa Aruba na varios competencia internashonal. Tashaina su dedicashon na e deporte aki a hasi cu ela wordo escohi pa ta e Talento di Bo Tambe Por ! pa Hyatt Regency Aruba Resort & Casino e anja aki. Tashaina a cuminsa Bowl cu 6 aña di edad y su perseverancia ta dunando fruta pe cu resultadonan positive den cada competencia cu e participa na dje. Tashaina ta hopi dedica na su deporte y ta train religiosamente tur siman. Su studio no ta sufri bow di e preshon di su deporte si, segun Liesje, mama di Tashaina. Banda di Bowling, Tashaina ta practica varios otro deporte y ta masha aktief socialmente. Tashaina ta un bon ehempel pa sigui ora ta trata di combina deporte, actividadnan di tempo liber y school.
Bo Tambe Por ! Ta un projecto di Hyatt Regency Aruba Resort & Casino. Bunita projecto cu ta duna bek na e comunidad di Aruba. E comite organisador ta masha entusiasma y contento di por forma parti di e esfuerzo aki. Bo Tambe Por ! Ta un programa specialmente diseña pa e hubentud den edad escolar, caminda nan por expresa nan talentonan ariba varios tereno. Di e manera aki tambe Hyatt Regency Aruba Resort & Casino ta honra e esfuerzo diario cu e talentonan, escohi pa e aña aki, ta desplega y ta purba di encurasha nan, y tur otro hoben cu ta interesa, pa sigui sobresali ariba nan terenonan individual. E intenshon na mes momento ta pa introduci y expone otro hobenan na e talentonan aki. Pa e motibo aki e lema di Tashaina, cu ta nos Talento den Bowling - Bo Tambe Por !: Kere den bo mes, hasi bo esfuerzo y asina bo ta logra bo metanan, ta uno asina importante y por sirbi como estimulo na otro hoben. Bo ta sinti cu bo kier hunga bowling, practica cualkier otro deporte of arte ? Sigui bo instinctonan y purba di hasi e deseo ey un realidad. Bo Tambe Por !
.JPG "Bowlingescolar010308 (16).JPG")
|
|
|
(0 vote)