Esaki ta e ultimo siman, practicamente dianan prome cu e gran ‘International Half Marathon 2012’ tuma lugar. E dia mes ta diadomingo awor dia 18 di maart 2012. Si bo no a inscribi ainda, bo por hasi esaki te cu diabierna for di 7:30 a.m. pa 4:30 p.m. na oficina principal di IDEFRE situa na e di dos piso di Certified Megamall.

Race-numbers y T-Shirts a yega:

IDEFRE ta informa na tur atleta cu a inscribi caba cu e ‘Race-numbers y e T-Shirtnan’ a keda cla y ta obtenibel na oficina di IDEFRE. Pues por pasa y buska bo number di careda y bo T-Shirt, cu porcierto ta un bunita diseño cu ta conmemora e di ‘27th Aruba International Half Marathon’. Un tremendo trabou cu a keda hasi pa Marietje Printing y e T-Shirt mes cu ta patrosina pa CHARTIS Insurance.

No laga te na ultimo momento pa bo inscribi. IDEFRE ta hasi e invitacion cordial na tur atleta y tambe na comunidad deportivo y activo pa pasa na oficina pa bo inscribi. Bo ta participa na e careda mas grandi di Aruba cu ta nos “International Half Marathon”, keda cu un bunita T-Shirt di recuerdo y alabes ricibi na final un bunita medaya conmemorativo di e “27th Aruba International Half Marathon”.

Average user rating

   (0 vote)