| on Wednesday, 18 April 2012
|
Published in : , Taekwondo |
Crotalus Taekwondo Center ta felicita tur e atletanan cu a participa den e reciente Campeonato Ultimate Taekwondo Cup 2012 organisa pa Brazil Taekwondo Stichting.Diasabra ultimo, esta 14 di april, na Centro di Bario Brasil, a tuma luga e Ultimate Taekwondo Cup 2012.
Dor di periodo di vakantie di skol, Crotalus Taekwondo Center a logra participa cu apenas 6 atleta cual di nan a duna un excelente prestación.
E prome atleta di Crotalus cu a subi riba mat, tabata Joron Riley. Ela bringa contra Jimmy Constant di San Nicolas TKD. E prome Rond a bay pareu. E di dos round Joron a demostra pakiko e tabata e best male figther den ultimo campeonato di Himno y Bandera lagando e score final 12 – 5.
Kyobumin Viviana Bustos a coach e pelea di Tyeh Stroop. Ela hala atención di Tyeh pa hasi precis, precis, lo cu nan ta practica durante training. E pelea a bay asina bon, ganando Tyeh 7- 6 riba Frank Croes di Noord TKD.
Pieter de Vries a haya un pelea masha moeilijk contra Shemar Pantophlet, pero tog ela gana Brons. Alisha de Mey tambe a haya un pelea complica contra e bringadora experimenta di Tiger TKD, esta Fausha Hazelhoef. Alisha a gana medaya di Silver.
Alron Riley a gana su prome pelea contra Bryan Jimenez di Estrella TKD. E di dos pelea di Alron tabata contra Micheal Noel di Brasil TKD. Nan dos a enfrenta caba den campeonato di Himno y Bandera. Michael a mehora su forma di bringa y pone moeilijk pa Alron, pero na final Alron a gana e medaya di Oro.
Un di e pelea mas bunita di e tardi tabata esun di Sara Chirino di Noord TKD y Almyxa Riley di Crotalus. E prome round a bay basta pareu. Y di dos round publico tabata grita di emocion di wak e prestación di e dos atletanan aki. E resultado final hopi sera, tabata 15-17 ganando Almyxa e medaya di Silver.
Esnan cu a participa y haja medaya tabata:
Alron Riley 17 anja nivo C -78 kilo ORO
Joron Riley 10 anja nivo C -50 kilo ORO
Tyeh Stroop 7 anja nivo C -24 kilo ORO
Almyxa Riley 9 anja nivo C -34 kilo SILVER
Alisha de Mey 12 anja nivo C -51 kilo SILVER
Pieter de Vries 10 anja nivo C -34 kilo BRONS
Directiva di Crotalus ta yama danki na un y tur cu a hasi posibel e participación di nos atletanan en especial e mayornan: Sra. Zulema Stroop, Sr. Alex Riley, Sra. Mirla Riley; Sra. Shaldrina de Mey, Sr. Johnny Oliveros, Sra. Flora de Vries y Sr. Gerard de Vries.
Crotalus Taekwondo Center ta felicita esnan cu e logro aki y nos ta keda keep in toch pa e próximo Campeonato.
|
(0 vote)