| on Tuesday, 01 May 2012
|
Published in : , Noticia |
Dialuna 30 di april, manera tradicion, Arruwac a organisa e 52 edicion di Aruba International Boulevard Loop, celebrando asina Dia di La Reina. Tur anja riba 30 di april ARRUWAC ta organisa e careda di mas prestigioso na Aruba cu ta hiba su recorido di 10k cuminsando for di Malmok y termina ariba e tereno dilanti di APA.
Mas cu claro e cantidad di coredornan tabata hopi, e anja aki un bez mas e hendenan a responde masalmente na e Boulevard Loop cu a conoce como campeon e pareha di Colombia esta Ricardo Cardeno y Carmenza Morales.
Ambos atleta ta triatleta renombra di nan pais. Ta asina cu por ehempel, e ganador overall di e Boulevard Loop 2012, Ricardo Cardeno, kende a marca e tempo di 34.15, ta campeon den e deporte di triathlon, esaki 11 bez na Colombia, tambe el a sali campeon Panamericano di triathlon y duathlon. Remarcabel ta cu hopi anja atras el a sa na gana un edicion di e Aruba International Triathlon, aunke ya for di anja 1995 el a participa pa prome biaha den e triathlon ternacional di Aruba. Di otro banda e ganadora femenino, Carmenza Morales cu a marca e tempo final di 42.49 ta. un campeon den e deporte di Triathlon, esaki pa mas di 16 bez de su pais. Tambe e tabata campeon Panamericano di Triathlon y ODESUR, esaki den 2004.
(multithumb)
|
|
|
| Users' Comments |
|
Average user rating
 (0 vote)
|
|
Add your comment
|
