SportsAruba.com - Aruba Sports News Provider - Directiva di Brazil Taekwondo Stichting a scohe su Best Team pa e Gold Coast Taekwondo Cup

on Friday, 04 May 2012

Published in : , Taekwondo

Diahuebs anochi e directiva di Brazil Taekwondo Stichting un bez mas a reuni caminda varios punto a wordo treci padilanti manera e viahe pa bai Surinam y e Gold Coast Taekwondo Cup cu lo tuma lugar diasabra awor den Joe Laveist Ballpark, esaki cuminsando pa 10or di mainta.

Brazil Taekwondo Stichting kendenan ta e organisadornan di e Gold Coast Taekwondo tambe mester a scohe nan miho ekipo. E escohencia a ser haci den cohunto cu e demas miembronan presente. E atletanan cu lo representa Brazil Taekwondo Stichting diasabra awor lo ta Rasheed Lowe, Hakeem Lowe, Genlo Wever, Anthonio Geerman, Jendrique Gumbs, Pascual Brown y Edmar Winterdaal. Di e 21 participantenan di Brazil Taekwondo Stichting a scohe e 7 atletanan aki, kedenan tin e tarea pa gana e premio maximo cual ta e Copa. Robert Giel hunto cu Clifford Rasmijn lo bai ta e dos coachnan cu lo dirigi e atletanan. E otro topico cu a ser trata na e anochi di reunion ta e viahe pa Surinam, cu lo bai ta aki 3 siman. Un delegacion di aproximadamente 20 persona, consisti di atleta, dirigente y mayor lo ta representando Brazil Taekwondo Stichting. Keda pendiente paso lo tin mas actividad na caminda organisa pa Brazil taekwondo Stichting, manera e Kids 1 Mile combina cu e 5km Fun Run & Walk esaki pa e di 10 biaha consecutivo, unda cu lo bai tin hopi sorpresa y premionan na cantidad.

Users' Comments

Average user rating

(0 vote)

Add your comment