Actividad: Fundacion Movimiento ta Bida (FMTB) en coperacion cu varios instancia manera Kiwanis Club of Palm Beach, Kamer van Koophandel (KvK) Aruba Sport Unie (ASU), Comite Olimpico Arub
ano (COA), docentenan di educucacion fisico y gobierno di Aruba ta organisa un actividad nacional pa promove actividad fisico durante 30 minuut pa dia.
A scohe pa e fecha di 6 di juni 2012 cu lo ta net un siman prome cu e II PAN-AMERICAN Conference on obesity cu lo wordo teni aki na Aruba. E dia aki ta un dia den siman pasobra kier stimula tur hende na cas, scol y trabou pa move pa asina stimula en especial esnan cu no ta den movecion pa participa y asina wordo stimula pa keda den movecion. E proyecto aki ta un accion concreto a base di e declaracion di Chapala pa promocion di actividad fisico na las Americas. Den e declaracion aki a yega na e acuerdo pa un yamada pa accion cu ta encera:
Promocion di e beneficio pa salud y e calidad di bida di 30 minuut di actividad fisico pa dia pa henter e poblacion atraves di tur e espacionan y medionan di communicacion. Tambe programanan gubernamental y no gubernamental, involvimiento di professional, associasion y organisacion.
Motivacion: Sedentarismo ta e di cuater causa mas grandi mundialmente cu ta relaciona cu morto di origen di enfermedadnan cronico no
transmitibel. Ta comproba cu movecion diaro durante 30 minuut pa
dia ta aporta na mehoracion di e calidad di bida.
Obhetivo: Promove actividad fisico diariamente durante 30 minuut pa mantene salud.
Fecha: 6 Juni 2012
Lugar: Rond Aruba completo na scol, trabou, centro deportivo y cas
Ora: entre 8.00 –am y 8.00 pm
Forma: - E actividad ta dura 30 minuut tras di otro
- Tur instancia cu ta participa mag di scohe e momento cu pa nan ta mas adecuado.
- Instancia mes por organisa e actividad cu nan kier. Por hinca nan propio creatividad y idea pa organisa un actividad fisico realisabel y cu ta stimula tur hende di e instancia pa participa
- Actividad ta basa riba movecion modera of rigoroso (p.e. canamento, bailamento, ehercicio, wega recreativo, landamento, aquarobics etc)
- Lo tin posibilidad pa pidi assitencia na e comicion organisador pa haya idea of hende pa yuda haci e actividad
- Cada instancia ta apunta un persona di contacto cu ta keda den comunicacion cu comicion organisador pa duna informacion di kico e instancia lo haci, na unda y cuanto hende ta participa
- Tur instancia cu a participa ta recibi un certificado di participacion
- Pa movecion na cas, lo pasa un video local via television 2 of 3 biaha pa dia.
Pa cualkier pregunta of pa registracion por tuma contacto cu Dayron Celaire na number di telefon 524-3162 of cu Rudy Leysner na 594-2546. Tambe por manda mail na
This e-mail address is being protected from spam bots, you need JavaScript enabled to view it
|
(0 vote)