Den e weekend di 5 y 6 di mei, Aruba Table Tennis Association (ATTA) a organisa un campamento specialmente pa e miembronan hoben y tambe hobennan di Aruba cu ta interesa den e deporte. E campamento tabata den un forma di “day camp” di 8or di mainta te 6or di atardi. Den e campamento ATTA a pone enfasis riba training fisico, training di ping pong mes y tambe recreacion.

Cu un variacion di nivel for di principiante te avansa, y edad di 5 aņa te 18 aņa, tabata tin un total di 39 participante cu a forma parti di e campamento.

For di reaccion di e muchanan y mayornan, ATTA por conclui cu e campamento aki tabata grandioso. ATTA kier gradici tur e sponsornan cu a haci e proyecto aki posibel especialmente Banco di Caribe y tambe Lotto pa Deporte via Commision di Subsidio.

Un danki grandi ta bay tambe na tur e boluntarionan: Arturo Helder, Rocky Ras, Michael Ling, Melisa Caster, Bryan Lopes, Gillian Spellen, Celina Munes, Juni Ras, Jean Hoek, Robert Croes, Andy Gomes, Remy de Lange, y Mario Lobo.

Entrenador principal Ruddy Raga a keda hopi satisfecho cu e campamento y ta enthousiasma pa un campamento mas den 2012 a peticion di e atletanan.

Pa hopi mas potret por pasa riba nos facebook: Aruba Table Tennis
(multithumb)

Average user rating

   (0 vote)