| on Tuesday, 15 May 2012
|
Published in : , Softball |
Copa Noord 2012 ta canando manera planea y tur cos ta kla pa ricibi su gran All Star game diadomingo awor. Comision Organizador hunto cu Aruba Softball Bond y Royal Power ta esnan encarga cu e parti aki. Di acuerdo cu e schedule organizadornan a tene debido cuenta cu Copa ABC cual ta tuma lugar na Corsow desde diahuebs awor unda un total di 4 equipo di Copa Noord lo ta participando.
Den reunion hunto cu lidernan di tur team a dicidi cu weganan valido pa cu Copa Noord no lo tuma lugar e siman aki pero enbes di esaki lo pone un All Star game riba diadomingo. Diadomingo awor cuminsando pa 11 am y 1pm lo tin un weganan amistoso mientras cu pa 3pm lo tin e promer All Star Game den historia di Copa Noord. A selecta di tur equiponan cu no ta biahando un total di 5 hungador y asina a logra traha 2 All Star team cu 20 hungador pa banda esta 20 hungador di Pool a y 20 hungador di Pool B kendenan lo bay hunga 7 inning contra otro. Tin papia cu e Pool cu gana lo hanja e hometeam advantage pa cu e wega final. Den edicion di diaranson lo publika tur e nombernan kendenan lo ta den All Star Team. Fanaticada ta keda cordialmente invita pa bin tereno di Kudawecha bin aprecia e promer All Star Game di Copa Noord.
|
|
|
| Users' Comments |
|
Average user rating
 (0 vote)
|
|
Add your comment
|
