Diadomingo mainta tabata tin e Ciclovia Oranjestad organisa pa IDEFRE. Un actividad cu apesar di e calor inmenso cu tabata reina riba e dia aki,  tabata tin un bon participacion.

Mainta a cuminsa cu un caminata y hunto cu e caminata a sali tambe un grupo di mucha cu nan bicicleta den e “Kids Bike tour”.

Na un dado momento por a mira Minister Presidente Sr. Mike Eman tambe ta cana riba e ruta. Nos a bin comprende cu nos promer Minister ta cana regularmente cu su querida seņora Diona na tur momento cu esaki ta posibel, apesar di su agenda sumamente ocupa.

Pues no ta un coensidencia cu e tabata riba e ruta aki diadomingo pero mas bien ya a bira un custumber di minister president Mike Eman pa traha tempo necesario pa haci ehercicio.

Esaki ta un ehempel cu nos mester tuma tambe, apesar cu nos tin dianan sumamente ocupa , pa traha e minimo di tempo pa practica cualkier deporte y haci ehercio pa mantene e curpa den condicion saludabel.

Despues di e caminata, alrededor di 9:00am a sali tambe e Bike Tour pa esnan mas grandi riba un ruta hopi largo, y den esaki tambe por a mira Minister di deporte dr. Richard Visser kende tambe ta practica e deporte di ciclismo.

Estudionan awendia ta mustra cu no ta un opcion mas pa haci ehercicio , pero a bira mas bien un obligacion pa haci esaki.







 

Average user rating

   (0 vote)