SportsAruba.com - Aruba Sports News Provider - Johnson's Enterprises ta hasi Shanayah Howell su sonjo bira realidad

on Sunday, 17 June 2012

Published in : , Cycling

Johnson's Enterprises un empresa ku ta existi pa hopi anja kaba na Aruba y ku no mester di introduccion a hasi nos orgujo Shanayah su sonjo bira realidad. Desde ku Johnson's Enterprises ta formando parti di Shanayah su gran logronan, Sr Ian Lejuez gerente di Johnson's Enterprises a priminti di juda Shanayah bai te top den su deporte.

Algun anja atras Johnson's Enterprise a construi un pista chiquito den Colony, pa asina Shanayah por a train su technikanan neseario pa por ta riba nivel international. Vooral na momento nan ku e mester a representa su pais Aruba na Mundial di BMX. Awor na anja 2012 Sr. Ian Lejuez a cuminsa ku e construccion di un pista grandi ku lo bira porcierto tambe un pista international. E pista encuestion aki ta situa San Nicolaas. Johnson Enterprises a inverti alrededor di 35 mil florin kaba den e pista aki ku ajinda falta algun detailles pa ta un pista completamente kla. E pista aki ku ta dedika na Shanayah ta hasi un kos kaba na San Nicolaas. Tur atardi por mira masha hopi mucha mes ariba e pista aki praktikando e deporte di BMX. Muchanan ta sumamente felis ku e pista encuestion. Alaves tambe esaki lo ta e veld official di "Die Hard Racing Team" ku por sierto ta un team ku Shanayah y Freddy Flanders a funda na anja 2011.
"Die Hard racing team" ta un team di BMX ku ta consisti di alrededor di 50 mucha biba na San Nicolaas y otro distrcto pariba di brug. Asina aki sigur sigur Johnson's Enterprises ta tene nos hobenan bezig ku algo sano y for di ariba caya.
Gil y Ryan di Johnson's Enterprises ta e dos personan ku ta engarga ku construction di e pista aki y ta traha incansabelmente ariba dje.
Tambe mester mensiona ku Sr. Randy Ras tambe a contrubui engrande ku Shanayah pa ku e pista aki.

Redaccion por a compronde ku Comishon di Die Hard a aserka Gobierno tambe pa hasi un petishon pa ku judansa pa e pista pa ku algun detaille ku falta y ta enespera di un contesta ku hopi speransa pa ku esaki. Mirando ku e pista ta na bienestar di nos communidad y ku gobierno ta bezig ku e projecto jama " Bo Bario".

Comishon Die Hard kier a gradisi Sra. Ivon Johnson y Sr. Ian Lejuez di Johnson's Enterprises y tur trahador, Sr. Randy Ras Sra. Carmelita Haynes, Benito Werleman, Wema San Nicolas, Brandweer San Nicolaas, tur trahadornan di Johnson's Enterprise ku a juda di un forma of otro y tur persona ku tambe a duna un man riba e pista di BMX.

Un pabien grandi ta bai pa Shanayah ku sigur sigur merece e regaldo aki y pa Johnson's Enterprises ku e projecto bonita aki ku asina ta juda tene nos muchanan enespecial di San Nicolaas for di mal caminda.

Users' Comments

Average user rating

(0 vote)

Add your comment