ARUBA WIELER BOND TA CONTINUA CU UN CALENDAR YEN PA LUNA DI JUNI
Thursday, 06 June 2013

AWB all disciplines2[1].jpg
E luna di juni lo ta uno hopi activo pa Aruba Wieler Bond y su miembronan. Cu varios actividad organisa pa tanto su clubnan miembro como e federacion mes. Cuminsando cu e weekend di 7 pa 10 di juni, e seleccion hubenil di ruta lo ta biahando pa Merca pa un careda di fogeo como preparacion pa nan participacion na e Junior Caribbean Cycling Championships cu lo tuma lugar na juli proximo aki na Aruba mes.
 

12 di juni lo tene un tour bou e nomber “Awareness Ride”. E tour aki ta uno di conscientisacion di nos automobilistanan cu e ciclista tambe tin derecho igual riba nos camindanan publico. Esaki lo start pa 7:00 pm na Arashi y no tin costo di participacion .
Riba diasabra 15 di juni lo tin 2 actividad. Parti mainta pa 7:30 lo tin e di 3 serie di e Welch’s Kids Bike Jam organisa pa Go Fast Cycling Team. Esaki lo tuma lugar na Alto Vista y ta pa tur mucha di 6 te cu 14 anja.
Riba e mesun fecha, pues 15 di juni, pero atardi pa 3:30 pm, Velocity Cycling Team lo organisa un Criterium Race na Coba Lodo. Esaki ta tanto pa Road Bike como Mountain Bike y ta pa categorianan di 14 anja bai ariba.
Riba diaberna 21 di juni AWB lo organisa un lectura pa tur su miembronan cu lo trata e topiconan di “Optimal Sport Recovery”, “Obesity Prevention & Sport Performance” y “Optimal Health & Wellness”. Esaki lo ta di 6 pa 9 pm y lugar lo wordo anuncia despues.
E weekend di 22 y 23 di juni lo tin careda di BMX y tambe e campeonatonan nacional di Ruta.
Rough Riders lo organisa dia 22 y 23 di juni e caredanan di BMX, mientras cu AWB ta encarga cu e caredanan di Campeonato Nacional di Time Trial Individual riba 22 di juni y di Campeonato Nacional Ruta riba 23 di juni. E caredanan di campeonato nacional lo tuma lugar na Pos Chiquito y Bloemond respectivamente y ta start pa 7:30 am, mientras e pista y orario pa e caredanan di BMX lo wordo anuncia despues.
Pa completa e luna riba diaberna 28 di juni, Tribal Cycling Club ta organisa su famoso Full Moon Bike Tour, saliendo pa 7 pm for di Anker na Grapefield.
Asina AWB y su clubnan miembro ta sera e luna di juni cu varios actividad di ciclismo pa tur edad, tur disciplina y tur nivel cu enfoke riba participacion activo na e deporte y tambe riba desaroyo general di nan miembronan.
Pa mas informacion di e actividadnan organisa pa AWB of su clubnan miembro, por jama na number di telefon 690-0400 of manda un email na This e-mail address is being protected from spam bots, you need JavaScript enabled to view it of por bishita e website: www.arubacycling.net. Tambe por “like” nos page riba facebook, Aruba Wieler Bond.