Latinoamericano di Baseball Little League ta stat den St. Maarten den Senior Division
Sunday, 07 July 2013

Diadomingo anochi basta laat a cuminsda e wega di Aruva vs Curacao aya na St. Maarten, despues di un delay basta pisa debi na hopi awasero

Aruba su seleccion sigur a prepara bon y lo ta hasiendo nan maximo esfuerzo pa trese e copa pa Aruba y hanja e derecho pa representa Latinoamerica na e mundial na USA. E pitcher habridor pa Aruba awe (diadomingo) anochi tawata Ryan Huntington y te na e momentonan aki Aruba ta atras den e score pa 1 careda. Por sintonisa e radio local di Top FM y Rumba FM na unda e wega ta worde transmiti pa pueblo di Aruba. E crew di Guia Deportivo ta presente na St. Maarten pa cubri e weganan aki, danki na Alex Falconi, Luis Oduber y Beto Roga. Sportsaruba.com ta keda pendiente pa mas informacion pa e fiel fanaticonan sdi baseball y tambe fanatico di Sportsaruba.com.