automobilistanan tene cuenta cu desviacion di trafico En coneccion cu e Junior Caribbean Cycling Ch
Saturday, 27 July 2013

284760_10151435764888451_1260121083_n.jpgPa medio di e comunicado aki Aruba Wieler Bond kier a informa tur automobilista pa tene cuenta cu e siguiente informacion:

 En coneccion cu e careda internacional di ciclismo cu lo ta tumando lugar e weekend aki, lo mester desvia trafico for di e ruta di e caredanan. Esaki lo tuma luga como lo siguiente. 

 Pa medio di e comunicado aki Aruba Wieler Bond kier a informa tur automobilista pa tene cuenta cu e siguiente informacion:

 En coneccion cu e careda internacional di ciclismo cu lo ta tumando lugar e weekend aki, lo mester desvia trafico for di e ruta di e caredanan. Esaki lo tuma luga como lo siguiente.

 Diasabra 27 di juli, e caminda principal entre e Retonde di Pos Chiquito y e crusada di Mahuma lo wordo sera completamente pa trafico di motor. Esaki ta pa seguridad di e ciclistanan durante e campeonato internacional  cu lo wordo organisa riba e fecha aki. E caminda lo ta sera entre 6:00 am te cu mas tarda 11:30 am.

Usuarionan di bus y auto bus tambe mester tene cuenta cu esaki.

 E crusada di Drive-Inn lo keda habri bou guía di Polis pa automobilistanan cu mester crusa pa e caminda di Sta Cruz. Lo no por bai di drechi ni robes riba e caminda grandi.  Aunke cu lo tin guía di polis, nos ta pidi pa preveni usa e caminda aki lo mas posibel pa asina evita congestion na e crusada aki. E crusada di Mahuna lo keda habri, mirando cu lo sera e caminda net prome cu e crusada.

 Nos ta pidi tur automobilista pa tene cuenta cu informacion y pa no purba di pasa toch riba e ruta. Lo hasi uso di baricade, pero tambe di voluntarionan pa tene autonan for di e ruta. Boso cooperacion pa sigui e guia di e voluntarionan ta di gran importancia pa e seguridad di e ciclistanan cu lo ta continuamente riba e ruta, coriendo riba velocidadnan hopi halto.

 Diadomingo 28 di juli, tambe lo tin un careda di ciclismo den e bario di Bloemond. E circuito riba cual e ciclistanan lo pasa varios biaha ta lo siguiente: Start na Bloemond  bai direccion Paradera. Bira na prome drechi, direccion Jaburibari, y bira dibiaha atrobe na man drechi direccion Babijn. Sigui den Rooi Prikichi y na Matividiri bira na man drechi direccion Ayo. Na crusada, bira man drechi, direccion Seroe Pita. Na e siguiente crusada, bira man drechi direccion Tamarijn. Sigui e caminda te na Bloemond pa completa e circuito.

 Trafico di motor lo wordo desvia y solamente residentenan di e bario cu mester usa e caminda lo wordo pemiti pa pasa. Tur demas automobilistanan lo wordo desvia for di e ruta entre 6:00 am y 2:00 pm. Un suplica ta bai na tur automobilista pa regula nan velocidad, y ta atento pa ciclistanan y instruccion di polis y voluntarionan.

 Tur ciclista merece e oportunidad di por practica nan deporte den un forma sigur y liber di peliger. Tene na cuenta cu ta trata di hobenan entre 15 y 18 anja cu lo participando na e campeonato aki.

Aruba Wieler Bond ta gradici tur automobilista di antemano pa nan cooperacion.

 Pa mas informacion di e actividad organisa pa AWB, incluyendo informacion di e rutanan y distancianan cu lo wordo cori, por jama na number di telefon 690-0400 of manda un email na This e-mail address is being protected from spam bots, you need JavaScript enabled to view it of por bishita e website: www.arubacycling.net