Pizza Hut Monster a gana RC Cola Indians 6-5 pa pika dilanti den serie
Saturday, 07 September 2013
Pizza_Hut_Jonathan_swinging.JPG Playoff den categoria di A-Klas a sigi avansa unda e serie entre Pizza Hut Monster y RC Cola Indians a inicia.  Den e serie di best out of three entre Pizza Hut Monster y RC Cola Indians e ganador lo pasa pa final contra Mio Athletics kende ya ta sub campeon.  Asina tambe Pizza Hut Monster den un tremendo wega a pika ariba ganando RC cola cu score di 6-5.  Pizza Hut Monster 6 careda, 9 hit, 3 error. RC Cola Indians 5 careda, 2 hit, 5 error.  Errornan tabata devastador pa RC Cola Indians. Gregory Geerman a drenta releva Carl Yarzagaray den di 2 inning y a bay cas cu e victoria.  Andresito Maduro a drenta releva Jerino Henriquez y a resulta pitcher pardedor.  Mihor bateadornan pa Pizza Hut Monster tabata Angelo Webb 4-3, Edward Webb 1-1 y Gregory Geerman di 2-1.  Pa RC Cola Indians a destaca den causa perdi Nathan Berkel 2-1.  Ayera Diabierna na veld di Kudawecha mester a enfrenta e dos ekiponan aki un biaha mas den nan di dos partido di playoff.  RC cola Indians mester di un victoria pa alarga e serie pa un wega decisivo dialuna awor mientras cu un victoria pa Pizza Hut Monster, nan lo ta sub campeon y lo inicia nan serie final di best out of 5 dialuna awor.  Weganan di playoff ta Dialuna, Diamars y Diabierna. Playoff A-Klas a la carga!
gallery1gallery1gallery1