Kevin Kock, e heroe di e desafio di Go Fast mountain bike challenge
Monday, 09 September 2013
1229957_515999685147438_830098848_n_1.jpg Go Fast Cycling Team cu su patrocinador Go Fast Energy Drink di Aruba Trading N.V., hunto cu Insel Air, ta anuncia e resultado di Roots, Rock and Roll GO FAST Mountain Bike Challenge cu a tuma lugar diadomingo 1 September 2013 na Savaneta.    Kevin Kock di Team Radio Shack Aruba a demostra su determinacion pa cu e exigencia di e careda aki y a logra crusa e linea final como e ganador absoluto y a gana merecidamente su pasashi ida y vuelta cu Insel Air.  Cu e pasashi aki Kevin Kock ta bai participa na un di e tres caredanan di Duo Extreme na Sint Maarten, Curacao of Bonaire representando e coredornan di Mountain Bike di Aruba.

  Go Fast Cycling Team ta agradecido pa e acogida di e careda cu a hiba como meta, un preparacion pa e atletanan di ciclo montanismo pa por participa na e caredanan popular di Duo Extreme na Aruba y na e islanan den Caribe.  A diseņa un ruta hopi exigente y desafiante pa e practicador di mountain bike.  Na final di e careda a premia cada categoria.

  E muchanan cu a participa tambe a wordo premia cu un bunita regalito di EPK, e ganador a ricibi un oloshi di sport cortesia di Sams Aruba, a reparti otro tremendo premionan entre e ganadornan.

  Esnan cu a participa den e categoria di Just For Fun/Starters a ricibi regalo di nan patrocinadornan.  Ariba e cuadro adhunto por aprecia e resultado di e competencia aki.

Go Fast Cycling Team hunto cu Go Fast Energy Drink di Aruba Trading N.V. ta gradici tur participante, mayornan y voluntarionan. Tambe un danki na e donacionan ricibi for di e sposornan.  Danki pa e aporte pa asina Go Fast Cycling Team por sigui cu su trabao pa ciclismo.
gallery1gallery1gallery1
gallery1gallery1gallery1