Tashaina Seraus lo competi den e AMF World Championship Bowling na Siberia, Rusia
Friday, 08 November 2013
rusia_1.jpg E centro di Sibiryak den e capital di Krasnoyarsk region di Siberia lo host e di 49 edicion di e Qubica AMF Bowling World Cup e dianan 15 pa 24 di November proximo. E centro di Sibiryak ta conta cu un bowling center di 32 lane y ta parti di e “World Class” fitness y Hilton hotel complex. Na e mundial di bowling 2013, Aruba tambe lo tin participacion unda cu e atleta elite den e deporte di bowling esta Thashaina Seraus lo competi. Hunto cu Tashaina Seraus lo biaha tambe e atleta masculino Laurence Wilming. TashainaSeraus, un medayista di weganan Centro Americano y del Caribe a hiba un bon preparacion y ta den tremendo forma. Comision di Subsidio cu financiamento di Fundacion Lotto pa Deporte ta subsidia e atleta elite di bowling Tashaina Seraus pa e campeonato mundial di bowling na Rusia. Hopi exito na Tashaina como tambe Laurence. Aruba ta convenci cu ambos lo haci un bon papel durante di e campeonato menciona.