Brazil Taekwondo Stichting su ultimo buiten training prome cu bay Suriname
Thursday, 06 February 2014
training_tkd_2.jpg Diasabra ultimo Robert Arends di Brazil Taekwondo Stichting tabata tin un solo adres ariba su ruta cu tabata na e pia di Seroe Alejandro.

E team di Train Hard Fight Smart a bin bon prepara pa Clifford Rasmijn di Brazil Taekwondo Stichting kende ta e coach di Aruba su team na Suriname. Clifford Rasmijn a cuminsa cu e training pa 8:45 di mainta cu warming up pa despues nan por a core subi e seroe na unda cu tin e tanki di awa. Manera cu tur hende a subi e seroe, Clifford Rasmijn a cuminsa cu e training pisa. Mester bisa cu e training aki tabata esun di mas duro cu e team a haya te ainda, te cu a haya nan ta keha di nan bariga of cansa, un training cu no tabata tin limosna pa niun atleta, cu un meta pa Aruba por trece e Copa di TK5 Aruba y ta entrena duro pa esaki tambe. E lema ta papia pa su mes" Train Hard Fight Smart" hopi di e facetanan tabata cu mester a subi e seroe of baha e seroe, na hurk, ariba lomba di otro, pia teni of ta sprint. Mas pisa cu esaki Clifford Rasmijn no por a haciele e biaha aki, mirando cu a cuminsa cu training na Januari y ta diabierna awor ta biahando pa Suriname pa e TK5. Training ta sigi den gymzaal e siman aki te cu diaheubs unda cu Clifford Rasmijn ta bay focus ariba e bringamento di Fight Smart.

training_tkd_1.jpgtraining_tkd_3.jpgtraining_tkd_4.jpgtraining_tkd_5.jpgtraining_tkd_8.jpgtraining_tkd_10.jpg