Delegacion di bowling a sali pa Campeonato Suramericano Hubenil
Tuesday, 15 April 2014
bowling.jpg Recientemente un delegacion di bowling a sali pa e ciudad di Santiago de Chile unda nan lo ta compitiendo na e Campeonato Suramericano Hubenil di Bowling. 

E campeonato lo tuma lugar e dianan 12 te cu 18 di april. E delegacion di bowling di Aruba a biaha den dos categoria esta e Sub 20 cu ta consisti di e hungadornan Bryan Helmeyer, Yannick Roos, Elias Halabi y Osmar Bislip. Tambe a biaha e categoria di Sub 16 cu a consisti di e hungadornan Renald Thiel y Jair Kelly. Como coach a biaha Jim Porter. Mester bisa cu Aruba lo enfrenta e mihor hungadornan hubenil di bowling den e continente Sur Americano. Paisnan participando na e torneo ta Argentina, Brazil, Colombia, Chile, Peru, Uruguay y Aruba. Despues di un entrenamento intensivo cu coach Jim Porter, e atletanan ta bay bon prepara pa haci un trabou sublime na Chile. Entrenador Porter ta bin regularmente Aruba pa entrena e seleccion Hubenil y Adulto di bowling como tambe yuda nos coachnan local Chris Dammers y Rita Lopez Henriquez.

 Comision di Subsidio cu financiamento di Fundacion Lotto pa Deporte ta contento di por aporta na e deporte di bowling cu semper a destaca na Aruba y den cualkier competencia den exterior. Ta desea e delegacion di bowling tur clase di exito den e torneo suramericano hubenil na Santiago de Chile.