Seleccion di Hulanda a laga Great Britain den tereno pa claim su medaya di brons
Tuesday, 22 July 2014
img-20140719-wa0008.jpg Aruba Softball Bond ta orguyoso di ricibi noticianan alentador di nos peloteronan Arubiano cu ta destacando internacional.

Despues di Champ of the Champs 2014 Aruba Softball Bond a cumpli cu tur documentonan pa transferi pelotero Eldrick Dijkhoff pa seleccion Hulandes riba peticion di KNBSB.    

Eldrick Dijkhoff a sali pa Brod, Tsjech pa incorpora su mes den seleccion Hulandes.  Hunto cu tres Arubiano residencia na Hulanda entre otro Riven Brooks y De Flanegin kendenan ta forma e squad Hulandes y asina bataya den Europees Kampioenschap clasificatorio pa Canadian World Cup 2015.  Un total di 7 pais Europeo a competi cual e promer tres equiponan cu gana medaya lo clasifica.  Den un wega desisivo diabierna atardi Hulanda mester enfrenta e fuerte equipo di Great Britain kendenan tin un pitcheo hopi fuerte.  Un hungada sensacional tabata un batazo den deep centeright cu a pika bay extende ta rebota for di muraya den man di Riven Brooks kende a press e bala pa cut off man Eldrick Dijkhoff cu a sali bay corta e bala y na su turno a rifla tercera pa fusila e coredor na tercera cu tabata e hungada defensivo di atardi cu a scapa Hulanda.  Wega empata na dos careda den bom di 7 inning Emeron Lourens a conecta un homerun inside the park cu a pone delegacion Hulandes celebra lagando Great Britain den tereno 3-2 y asina a gana nan Medaya di Brons y a clasifica tambe pa The Canadian World Cup cu lo tuma lugar na Canada na 2015.  Eldrick Dijkhoff a bay di 3-2 den e wega aki completando tambe 2 double play y fusilando un cordeor na tercera.  Czech Republic a gana Oro, Denmark Plata y Hulanda Brons.  Pabien na seleccion Hulandes y pabien na nos Arubianonan y nos amigonan di nos Hermana isla Corsow cu ta destacando riba plataforma internacional.  Aruba Softball Bond ta orguyoso di bosonan.

holand_top.jpgimg-20140719-wa0003.jpgimg-20140719-wa0025.jpg