Eldrick Dijkhoff a regresa cu su Medaya di Brons
Thursday, 24 July 2014
eldr14072318_1.jpg

 El a wordo ricibi engrande na airport door di familiares,  Coleganan di N.V.Elmar y representantenan di ASB 

Diaranson atardi a regresa Aruba for di Tsjechie via Hulanda e pelotero di Aruba Eldrick Dijkhoff. Eldrick desde 12 di Juli a biaha pa Brod, Tsjechie unda el a incorpora den cu seleccion di Hulanda pa hunga Europees Kampioenschap. Hulanda a bataya fuerte y den un wega crucial contra Gran Britannia nan a logra laga Gran Britannia den tereno 3-2 pa asina conquista nan medaya di Brons.  Eldrick su aporte tabata tremendo durante un siman na Tsjechie unda e tabata shortstop regular di seleccion.  N.V.Elmar hunto cu Familiares a planea un bunita encuentro pa Eldrick Dijkhoff na aeropuerto como sorpresa.  Un cantidad di famia y coleganan di Elmar, manera nan di Elmar a bay plat pa un rato,  y tambe representantenan di Aruba Softball Bond a duna acto di presencia pa ricibi Eldrick na airport. Asina sigur stimulando nos deportistanan cu ta destaca riba plataforma internacional.  Un pabien na Eldrick Dijkhoff y seleccion di Hulanda cu nan logro ganando medaya di Brons clasificando pa World Cup cual lo tuma lugar den 2015 na Canada.  Tambe palabra di elogio pa N.V.Elmar y tur su empleadonan kende ta support nan empleado y colega dunando bon cooperacion pa un atleta por desaroya y competi riba un alto nivel.  Sigur e bon cooperacion di Aruba Softball Bond kendenan ultimo añanan a crea oportunidadnan grandi pa nos atletanan local.  Pabien Hulanda, Pabien Eldrick y pabien na e deporte di softball.  Danki N.V.Elmar.  

eldr14072314.jpgeldr14072323.jpgeldrick_1.jpgeldrick_2.jpg