Kids Bike Jams a yega su final di temporada
Friday, 12 September 2014
10373633_10152438378722472_5686363229653465972_n.jpg E campeonan di Kids Bike Jams ta wordo disidi durante e Gran Final. Cu hopi anticipacion y preparacion, e muchanan, nan mayornan y entrenadornan ta spera e gran final di e campeonato di mountain bike pa mucha.

Kids Bike Jams ta un iniciativa di Go Fast Cycling Team cu coperacion di Tri-Bike Team pa promove e deporte di mountain bike bao di nos muchanan entre 6 y 14 aña.  Mirando cu cada dia tin mas mucha chikito y grandi riba bicicleta, esaki ta un estimulo pa sigui cu e empeño y tarea pa percura pa e continuidad di e deporte di ciclismo di mountain bike y sigui promove e deporte aki bou di nos muchanan.

Durante e temporada di April 2014 pa Juni 2014, e muchanan a participa na diferente evento di Kids Bike Jams pa acumula punto pa nan prestacion.  E resultadonan ta hopi serca di otro, cual ta hasi e ultimo evento hopi interesante.   

Na e gran final di Kids Bike Jams, lo saka e campeonan infantil di mountain bike.  E siguiente y ultimo actividad di Kids Bike Jams pa e temporada actual ta tuma lugar na Drive-Inn dia 13 September 2014.E actividad ta cuminsa 7:30 a.m cu participacion di e muchanan di 6 y 9 aña y ta sigui di biaha cu e careda di e muchanan mas grandi di 10 y 14 aña.

Pa e gran final di e campeonato lo hasi entrega di medaya pa e promer 3 lugarnan.  E campeon absoluto den cada categoria ta ricibi tambe un jersey di ciclismo cu varios patrocinadornan.  Tur mucha cu participa ta ricibi un certificado y un regalito di e organisador y colaboradornan.

E organisadornan ta invita tur mucha pa bin participa, a la ves ta recorda tur mayor cu participacion pa tur mucha ta completamente gratis.  Por inscribi na Tri-Bike Aruba te cu diahuebs 11 di september 2013, 6:00 p.m.  Mayornan mester firma un formulario pa por inscribi e muchanan.

 

10367607_10152438372337472_5783767231922812641_n.jpgphoto_2-3.jpg