Fin di siman ultimo tabata uno grandi pa Team
Aruba kendenan ta na Florida pa competi den Pro Stock Drag Racing.
Team Aruba a duna un tremendo
presentacion cu nan Mustang maneha pa Trevor Eman y a yega te cu finals.
Despues di rond 1 cu 2 a haci diferente
“tune-ups” cu e Mustang, purbando tur cos pa por gana den finals, aki Trevor a
enfrenta John Montecalvo den un careda unda e adrenalina a subi bastante. Apesar di tur esfuerzo a resulta cu e
Montecalvo tabata mihor prepara cu e resultado cu ela marca un tremendo careda
posicionando Team Aruba na di dos lugar.
“John
Montecalvo a core un tremendo careda y mi tin di ta honesto y bisa cu e merece
di a gana e careda aki,” Trevor a bisa, “Nos ta considera Montecalvo y ful su
ekipo bon amigo di nos, caminda cu nos tin experencianan inolvidabel cu nan.
Semper ta un honor pa core un careda contra Montecalvo,” Trevor ta sigui bisa.
“Mi ta spera cu nos a haci Aruba orguyoso. Mirando nos Facebook mi ta casi sigur cu esaki
ta e caso.”