Delegacion Bun Bu Itchi Kendo Aruba a participa na Tinidad & Tobago
Friday, 17 April 2015
kendo_aruba_na_trinidad.jpg Recientemente e 4 atletanan di Bun Bu Itchi/Kendo a biaha pa Trinidad & Tobago unda nan a participa na un competencia internacional y campo di entrenamento di kendo.

Mester bisa cu e evento a ser organisa pa e federacion di kendo di Trinidad & Tobago.

  E Gasshuku (trainingskamp) na cual varios scol di Caribe y Merca a participa a resulta den uno exitoso.  Aruba a ser representa pa Sergio Velásquez (6de Dan) kende tabata e lider di e trainingskamp y head referee, Eun Jung Kim (5de Dan) assistant instructor y referee, Angela Lie-A-Lien (3de Dan) competidor y Danbi Velásquez (2de Kyu) competidor. 

  Pa loke ta e competencia mester bisa cu Aruba a logra un resultado satisfactorio. Den e categoria di femenino Aruba a logra e prome y di dos lugar unda Angela Lie-A-Lien a logra e prome lugar mientras Danbi Velásquez a keda na di dos lugar.   

  Den e categoria Open un biaha mas Aruba a logra triunfa unda Angela Lie-A-Lien a bolbe logra un di prome lugar, mientras Danbi Velásquez a logra un di tres lugar.

  Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e delegacion di kendo Aruba.

  Cumprando weganan di Lotto, e Loteria di Aruba bo ta contribui na deporte riba nos isla.  Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.