Recientemente Little league Softball a finalisa su campeonato riba tereno di Mabon.

E ekipo di Aruba Bank Dolphins a titula campeon invicto den e di 21 campeonato di Little League Softball.  Un Pabien na e ekipo di Aruba Bank y su manager Jesus Arias de la Cruz y su coachenan Jade Woodley y Shardea Croes.

  Un tremendo wega caminda nan a gana di e ekipo di Sharks cu score di 9-4.

Pitcher campeon di e aña aki tabata Gilda James cu a bai henter e ruta.

  Den e premiacion cu a wordo celebra cu un movie afternoon pa henter e liga a duna e siguiente premionan.

Ekipo campeon di majors: Pink Sox Sluggers.

Ekipo subcampeon di majors: Pink Sox Smashers.

Campeon pitcher di majors: Yee Mei Cheong (Beba)

Campeon batter di majors: Nagely Albertus.

 Den e division di Seniors:

Ekipo campeon: Aruba Bank Dolphins.

Sub campeon; Valero panthers.

Na di tres lugar: BK. Sharks.

Pitcher campeon Seniors: Gilda James, 10 gana y 0 perdi.

Champion batter: Nikkaela Jacobs.

   Cu esaki LLSA a termina otro campeonato cu exito.  LLSA kier a gradici su sponsornan di curazon pa nan aporte na nos hobenan, tambe sin e ayudo di comishon di subsidio esaki lo no tabata posibel.

  Awor directiva ta concentrando riba e entrenamento di nos seleccion di Juniors cu lo bai participa na e torneo Latino Americano na Guaynabo Puerto Rico dia 5 pa 12 di Juli.  E pre-seleccion ta den pleno training desde aña pasa y awor a scohe e hobenan cu lo ta den e seleccion di Juniors mes.

  Fundacion FMA cu a hasi posibel cu nos por a hunga nos campeonato riba tereno di Mabon, tur e mayornan cu a bin waak nan yuinan hunga y a apoya nan durante e lunanan aki y un danki special na tur e hungadornan di nos liga cu a train duro pa hay e resultadonan menciona.