Dia 10 di Juni ultimo di 2 ronde di e liga Mixed
League 2015 a yega na su final.
Despues
cu a determina cual ta e 8 teamnan cu lo bai play-off a tira lot di biaha pa
asina determina cual teamnan lo enfrenta otro e dia siguiente esta Diahues
ultimo (11 Juni).
Diahuebs Big Wheel Lottery 1 a enfrenta Big
Wheel Lottery 2 y aki Big Wheel Lottery 1 a sa di gana e partido cu un score di
4-3. Segun esun e otro tabata tin
suerte.
Buccaneer a enfrenta Polar Happy Bowlers y
Buccaneer tambe a sa di bai cu e victoria cu e score di 4-3, lagando e
hungadornan di Polar cu cara largo pues NO happy.
Old parr kiermen nan no por keda afo y a bataya
contra Smips pa logra gana 5-2. Danki na
e energy drink y boter di awa cu organisadornan a parti durante wega pasobra si
a parti Old Parr lo ta otro guy lo a canta.
Al final e bolicheronan di Boegoeroei Athletics
a baha rabia ariba Easy cargo y a sa di gana easy easy 5-2.
Schedule pa cu e
play-off:
11
di Juni 2015: 8:30 p.m (Comienso di e Play-off)
16
di Juni 2015: 8:30 p.m
17
di Juni 2015: 8:30 p.m
18
di Juni 2015: 8:30 p.m
19
di Juni 2015: 8:30 p.m
23
di Juni 2015: 8:30 p.m
24
di Juni 2015: 8:30 p.m
25
di Juni 2015- 7:30 p.m (Final Play-off)
Torneo Individual
E aña aki organisadornan di Mixed League 2015
a bin cu un torneo individual pa asina duna bolicheronan cu durante liga a
hunga bon pero cu lastimamente nan team no a logra yega play-off un chens pa
nan por bataya y gana premio ariba titulo individual.
E 16 cabayero y 8 dama cu Total Pins mas
halto ta esnan cu a yega na remarka pa participa na e torneo individual.
E torneo aki a tuma lugar Diasabra ultimo (13
di Juni) y mester menciona cu tabata un tremendo torneo.
Scorenan
tabata bastante halto y fanaticadanan NO tabata falta.
Pa e final den cabayero Maurice Figaroa a
enfrenta Elton Tromp y den damas Yvonne Webb-Kock a enfrenta Bettiza Koolman. E wega final tabata un wega ala estilo di faya
bo haya, pues bo faya un strike chens ta grandi cu bo lo haya castigo!
E final tabata un final di kita sombre. Den cabayero Maurice Figaroa a sa di titula Campeon
y pa loke ta e damanan, Yvonne Webb-Kock a manda un señal bon cla: “Bo kier gana?
Awel bo tin cu wanta preshon yyyyyy tira bon”. Al final Yvonne Webb-Kock a bai cu e titulo
maximo.
Puestonan cabayero
Maurice
Figaroa
Elton
Tromp
Bryan
Helmeyer
Laurence
Wiliming
Pa
loke ta e puesto 3 y 4 mester menciona cu na promer instante nan a keda empata.
Puestonan damanan
Yvonne
Webb-Kock
Bettiza
Koolman
Micheline
Jeandor
Shakaina
Querero
Un
invitacion na tur fanaticada di Bowling pa bin disfruta di e tremendo weganan
di Play-off.
E final lo ta dia 25 di Juni cuminsando 7:30
p.m. Bin prepara pa apoya bo team
favorito pasobra ta premira cu e final aki tambe lo bai ala estilo di faya bo
haya! Pues lo ta un anochi di hopi tenshon.
Pa preveni cu fanaticadanan ta cuminsa come
huña y haci daño na nan dedenan, organisadornan
a haci bestelling di algun aparato pa corta huña y lo ponenan disponibel pa
uso.
Bar y cushina di Eagle Bolwling Palace manera Semper lo ta bon surti. Tur cos tey, ta abo so (fanaticada) falta. Yega!
