Diabierna anochi den CDFF, Dames RCA "Neutrogena/KFC" a dal RCS 4-1 y Dames tricolor ta sigi comodo den zona di playoff.

Diasabra mainta den playoff Lifida, RCA "Guardian Group" a gana La Fama 4-0 y asina Baby RCA a logra 6 punto y ta den final 27 di Juni.  Diasabra anochi RCA "Welcome Back Snack" a cai atras 2-0 na halftime den e Clasico contra Dakota pero a bons bek fuerte cu gol Champi vd Linden y Lang Trenidad pa empata e wega casi den pito.

  Diaranson awo 7or ta e gran "Clash" hubenil ora RCA junioren drenta Piedra Plat pa topa Britannia den un wega cu RCA mester solamente un punto pa yega final. Pero manera ta e estilo y tradishon e futbol tricolor no conoce futbol defensivo.   Despues di wega tur hende ta welkom na RCA Arena pa wak Brazil vs Colombia.   

  Diadomingo mainta ta un "storm" a pasa den CDFF ora RCA "Subway" a habri cu 4-0 contra Estudiantes y RCA "Aruba Bank" a golea Estrella 9-0 den playoff Lifida.  Asina aki tur team infantil RCA a aega final, Lifida A y B final ta 28 di Juni.

  E ambiente den stadion ta super bon y pa es motibo directiva RCA ta invita tur tur fans tricolor pa join e masa y bin apoya Diaranson awor 7or na CDFB na Piedra Plat y den fin siman na CDFF Diasabra y Diadomingo mainta.  Tin ainda Pechi, algun Shirt RESPECT, wristband, yaberos y holoshi #rcapabida.