Lama bruto a stroba cu e 2015 CAMTRI Barranquilla Triathlon America Cup y CAC no por a continua manera debe ser y mester a cambia esaki pa un competencia di Duathlon mirando cu e organisadonan a elimina e parti di landamento pa motibo di siguridad.

  Mester bisa cu e competencia a cay un tiki den desbentaha pa atleta Arubano Renze Postma cu tambe a competi mirando cu e disciplina di landamento ta e parti mas fuerte di Postma. Den casi tur competencia cu e la participa na dje e la sali como un di e prome nan for di awa. No obstante esaki asina mes Renze a keda na di 20 overall den 35 competido. E factor di calor y un ruta super pisa cu hopi sero tambe a dificulta e careda riba bais pa Renze. Den su categoria cual ta e Sub 23, Renze a ocupa un di 9 luga den 17 participante. 

Un danki sigur ta bay na Lotto, e Loteria di Aruba cu pa medio di Comision di Subsidio a subsidia e biahe di e atleta Renze Postma y su coach Nicolas Robert

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.