"Keda den condicion y bin haci movecion cu nos". Esaki ta e lema di e organisacion di Ryobu - Kai Aruba kendenan diadomingo awor lo organisa un grandioso caminata di 5k. E caminata tin como meta pa pasa un rato sano, recreativo den compania den famia, amistadesnan. Claro cu lo yuda na un bon causa. E caminata lo sali pa 5.30 for di The Village dilanti Radisson Hotel direccion La Cabana Hotel

Diadomingo ultimo, APA a organisa un tremendo caminata di 5k cu a sali for di nan propio parkinglot na Playa. Un publico grandi a asisti na e caminata y asina duna sosten na e organisadornan. Algun persona a cana e recorido di 5km mientras otronan a dicidi di haci un tiki mas liher y a core esaki. Na final, coloborador Erik Gomez a percura pa tur presente por a disfruta di e patia y bacoba.

Diasabra ultimo e fundacion Alzheimer Aruba a tene su grandioso caminata cu a sali for di stadion Guillermo Trinidad na Dakota y hiba un recorido di 5km. Grandi y chikito bisti cu nan flenel di Alzheimer a bin gosa di e atardi sano aki pero mas cu tur cos contribui na un bon causa. Mayoria hende a cana mientras otronan a core of tambe speed walk. .

Diadomingo mainta tabata uno di cana y/of core na pia y riba bais na Aruba, esaki den dos diferente actividad grandi cu a hala masha hopi hende mes. Na Renaissance pa 5.30, Meta Corporation a clausura su programa Meta Fit cu un tremendo 21km Half Marathon cu a sali di Convention Center rumbo Fisherman's Hut y regresa pa Convention Center.