Aruba su ranking ta reparti e anja aki den APT Rank A&B.  Lo hunga 3 disiplina cu ta: 9 ball, 8 ball & 10 ball.

  Den rank A bo tin: Richard Wolff Campeon di 2014, Gunnar Leonardo, Ryan Rampersaud, Ditto Acosta, Jason Kock, Emile Kock, Elvis Evertsz y Angelo Tromp. APT A ta e official ranking pa cualifica hungador pa Panamericano y tambe cualifica hungador pa exterior. Na final di temporada hungador cu sali na di 7&8 lugar ta bay APT B.

  Den rank B bo tin: Fredly Tromp, Noe Camara, Andre Tromp, Allan van Aanholt, Jonathan Maduro, Win Dabian, Ricky Quant, Jeffrey Vrolijk, Edwin Chirino, Andy Geerman, Martin Appeldoorn, Natalie Lin, Ralph Andrews, Patrick Henriquez, Injemar Briezen, Ransley Tromp. APT B ta e official ranking pa por drenta APT A. Na final di temporada hungador nan cu sali na 1&2 lugar lo drenta APT A.

   APT A ta cuminsa pa 10or di mainta y APT B ta start sali pa 3or di atardi.  E anja aki lo tin un total premio pa reparti den APT A&B un suma di 17,500 florin.

  FEBIAR ta invita tur fanatico di billar pasa Classic Billiards pa presencia wega nan di un nivel halto y tambe duna un sosten na nos hungador nan cu ta hinca hopi ora pa siman den e deporte aki cu ta na su rumbo pa drenta Olimpiada na 2020.