Aruba a mantene e empate na 0 gol durante henter e prome mitar di e partido pero na e di dos mitar, e seleccion di Barbados a logra anota e gol di e victoria cu a dune e chens pa pasa na e siguiente rond di clasificacion.

  Den e partido cu a tuma lugar na Aruba Diaranson siman pasa, Aruba a cai venci cu score di 2-0 frente e seleccion di Barbados.  Despues di e derota di Diaranson, e espectativanan pa gana e di dos partido no tabata di gaba segun opinion publico ya cu den e caso aki, Aruba lo mester a gana cu diferencia di 3 gol riba Barbados.

  Finalmente nos a bin compronde cu e seleccion di Corsou si a logra di pasa na e siguiente rond di clasificacion.