Pa mas di dos siman largo, Renze lo keda Bogota unda lo traha duro riba su tres disciplina nan esta landa, core bicicleta y core na pia. Mirando e altitud di Bogota, Renze lo mester adapta un poco na esaki.  Den pasado ya caba Renze a atende un campo di entrenamento na Colombia. 

  E atleta di aña local di 2014, sigur conoce un crecemento den e deporte di Triatlon unda e la sa na crece y bira un di esunnan di mihor na Aruba apesar di su edad hoben ainda.  Den mayoria competencia local Renze a sa na triunfa cu un prome luga, mientras den competencianan internacional den nos region e ta duna bataya fuerte logrando un bon puesto entre e grandi den triatlon Sur Americano, Centro Americano y Caribe.

  Renze ta trahando duro pa logra su soño esta di yega e Weganan Olimpico di Rio 2016.  Aunke cu e sa e meta aki no lo bay ta uno facil, pero cu perseverancia y determinacion e lo purba haci todo lo posibel pa esaki bira un realidad.

  Un danki sigur na Lotto, e Loteria di Aruba pa medio di Comision di Subsidio cu a subsidia e atleta Renze Postma pa cu e campo di entrenamento na Bogota, Colombia.