|
Atletanan di Judo a sali pa un campo di entrenamento na Republica Dominicana |
|
|
|
|
Friday, 19 June 2015 |
 Recientemente e atletanan
di judo, Emmazira Kelly, Izaac Croes hunto cu nan coach Betto Thiel, a sali pa
un campo di entrenamento na Republica Dominicana.
E campo di entrenamento ta un preparacion pa cu dos
torneo importante na cual ambos atleta lo competi na dje den e proximo luna
esakinan na Gwangju, Korea como tambe e US Open na Fort Lauderdale, Merca.
E campo di
entrenamento na Republica Dominicana lo ta for di dia 16 pa 23 di Juni.
Durante di
un periodo di un siman e atletanan lo haya entrenamento intensivo y riba nivel halto.
Na banda di e entrenamentonan intensivo,
e competencia tambe ta un aspecto importante y crucial. E atletanan lo competi den torneonan di fogeo contra
scolnan di Judo na Santo Domingo mes. Asina cada un por midi unda y con nan ta para
pa e dos torneonan grandi otro luna. Mas
cu claro pa e entrenando tin material pa por evalua su pupilonan durante di e
competencianan. Mirando
e importancia pa e progreso deportivo di nos atletanan ta importante pa aporta
cu e parti financiero pa asina nos atletanan di Judo por ta mas mihor posibel prepara
pa dicho torneonan den exterior.
Un danki
sigur na Lotto, e Loteria di Aruba pa medio di Comision di Subsidio cu lo
subsidia e biahe di nos atletanan di Judo pa cu e campo di entrenamento na
Republica Dominicana.
Cumprando
weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria,
cambia bida di su hungadonan y na mes momento inverti den deporte local pa
medio di donacionnan na e comision di subsidio.
|
