Conoci den paisnan manera USA, Puerto Rico, Republica Dominicana, Venezuela, Colombia, Nicaragua, Panama, Europa y Asia. Y awor pa prome biaha, Aruba lo host e torneo internacional “ Serie Del Caribe Mustang 9-10 “ y dos team di Aruba lo enfrenta equiponan di Panama, Guatemala, Puerto Rico, Venezuela, Bahamas, y Republica Dominicana dianan 8 – 12 di juli na Pos Chikito Ballpark. Pony League Aruba Foundation ta yama bon bini na e delegacion di e diferente paisnan cuminsando ya caba desde 6 di juli.

Sr. Francees a splica cu "PONY su significacion ta asina, e letter P ta pa PROTECT, e letter O ta pa OUR, e letter N ta pa Nation's,  y Y ta pa Youth. Sr. Milton Croes a agrega " E torneo aki di  Mustang ta ensera cu na edad di 9-10 anja caba ta ser permiti pa hunga e "open" baseball unda e muchanan tin e oportunidad pa habri na base, unda cu tur hungador mester ta mas activo y atento pa robo." 

Organisadornan di Pony League Foundation Aruba ta premira e torneo internacional aki uno cu lo brinda e seleccion di Aruba un experiencia unico pa nan desaroyo den e deporte di baseball.  Ganadornan di e torneo Caribbean Zone aki lo sigui pa e World Series cu ta tuma lugar na Louisiana, USA den e luna di augustus.

Tur dos team representando Aruba ta train duro pa por duna competencia fuerte na ekiponan di paisnan bishitante. Nan tawata hungando un wega amistoso durante cu prensa tawata presente.

Aki bou e lista di nomber di hungadornan di ambos team: