Diahuebs e torneo di Pony League Serie del Caribe Mustang 9-10 a continua riba veld di Pos Chiquito Ballpark cu varios partido. 

Mester menciona cu awe tur ekipo mester a hunga un total di 2 wega den un dia pa asina cumpli cu e schedule. Mainta trempan publico presente por a gosa di e partido di Venezuela vs St.Maarten na unda cu Venezuela a gana cu n score di 24-3. E segundo partido a bay entre Puerto Rico vs Guatemala y akinan Venezuela a duna Guatemala un sota di 31-0.

E tercer partido pa bay entre Guatemala vs Aruba Champs, y aki un biaha mas e ekipo di Arubata piki nan di 2 victoria cu un score di 15-3. E di cuater partido a bay entre Bahamas vs Venezuela y Venezuela a gana 21-1. Eotr partido cu a wordo hunga durante dia ta esun di Aruba Host vs St.Maarten. Un biaha mas e muchanan di St.Maarten ta cay venci contra e ekipo di Aruba Host cu un score di 21-11. Aruba Host a enfrenta e Puerto Rico, y aki nos  mester menciona cu Aruba Host a cay venci cu un score di 13-4. Un di e partido nan  cu a wordo hunga cua  pone tur hende riba pia, ta e partido entre Bahamas y Panama. Un partido cu te na final publico presente a gosa di dje. 

Na final Bahamas a piki victoria contra e ekipo di Panama cu un score di 18-14. E ultimo partido pa e anochi a bay entre Aruba Champs vs Panama. Aki Aruba Champs a demostra cu den nos cas, nos no ta haci wega. Aruba Champs a piki nan di 3 victoria contra e ekipo di Panama cu un score di 11-7.