|
NA CAMINDA PA E CAREDANAN DI ONE COOL SUMMER 2011 ARIBA INTERNATIONA RACE WAY PARK PALO MARGA. |
|
|
|
|
Friday, 08 July 2011 |
.jpg "37 (Custom).jpg")
ORANJESTAD (AAN)—Na caminda pa cu e caredanan di One Cool Summer 2011 ta bayendo biento en popa. Diaranson atardi na Safe- Com a tene luga un otro reunion entre e comision cu a wordo lanta pa asina organisa e careda aki di One Cool Summer 2011
cual lo tuma luga ariba e pista Internacional Raceway Park Palo Marga. Por bisa cu e reunion a bay den un bon ambiente. Sinembargo e bon noticia ta cu ya caba casi tur loke ta e preparacionnan pa cu e binimento di e 12 autonan y un grupo grandi di fanaticada procedente di Venezuela, lo ta bayendo hopi bon mes. Tambe a ser informa cu lo ta buscando tur detaye pa trece un auto di 6 seconde y un di 7 seconde, mas algun otro cu ta core den 8-9 seconde. Awo kizas e pregunta pa ken ta trece e auto di 6 seconde di Venezuela, wel na algun oportunidad ya caba Tito de Kort di What The Heel Racing a menciona cu si haya un competidor pe, elo por bin Aruba pa One Cool Summer 2011. For di hermana Isla Corsou ya caba po loke ta trata e brommernan pisa, tur ta papiando di e careda di One Cool Summer y lo bay tin un grupo grandi cu lo ta biniendo Aruba pa e careda aki, mas e 3 Pro Bike nan. Di auto tin un total 10 auto cu a confirma ya caba nan binimento pa Aruba, pero nos tur sa cu e montante aki lo subi cu mas auto. Keda pendiente cu pronto DIARIO lo trece mucho mas informacion encuanto One Cool Summer 2011.
|
