November 2013 “Rotary Club of Aruba” tabata tin nan di 14 Rotary Charity Golf Tournament na Divi Aruba cual tabata un biaha mas sumamente exitoso.

Un total di no menos cu 24 grupo a participa na e evento cu a cuminsa den ora nan di mainta y a termina te den ora nan di anochi. Cu e sosten di nos sponsornan local y e fanaticonan di golf, Rotary Club a logra di colecta mas cu Afl 45.000 pa algun fundashonnan local E fundashonnan cu a recibi e sosten di e charity golf tournament di e aña aki tabata Sonrisa, Social Fonds di Colegio Arubano y e fundashon nobo di sport di nos gobernador, Mr Refunjol na honor di e bishita di famia Real na Aruba, esta Fondo Gebernador Fredis Refunjol. Sonrisa y Colegio Arubano tabata presente pa recibi nan donashon alavez a gradici un y tur pa nan sosten Ganador di prome lugar di e aña aki tabata Travis Firework team, cual cada participante a gana un Samsung S4 patronisa pa Digicel. E di dos lugar tabata e team di Complete Solution, unda cada participante a gana un Andriod Tablet patronisa pa AMC Unicon. E di tres lugar a resulta Four Stooges team, cada un a gana un set di armband di Pandora patronisa pa Boolchands. “Rotary Club of Aruba” a celebra recientemente nan 75 aña di anniversario, sirbiendo nos cumunidad cu hopi orgullo unda cu nan por. Durante e añanan, organisashonan manera Club di Movimiento 60+, YMCA, Centro Kibrahacha, Meals on Wheels, Hende Muher den Difficultad, Sonrisa y Social Fonds Colegio Arubano ta algun cu a recibi e sosten di Rotary Club. Comitee di Rotary Charity Golf kier a gradici tur na platinum sponsors esta Divi Resorts, Aruba Airport Authority y tur e otro sponersnan y participantenan pa nan support grandi, sin nan esaki no lo tabata un tournament sumamente exitoso. Nos ta cla y ansioso pa e di 15 Charity Golf Tournament di otro aña. Golfersnan prepara!