E tournament a tuma lugar den 2 weekend.

E prome parti a tuma lugar durante e di 12 pa 14 di september y a consisti di e categoria di bao 14 aña pa mucha homber, bao 14 aña pa mucha muher y bao 10 aña gemix.

Durante e di dos weekend e competencianan tabata hopi intenso, unda cu e tenistanan a duna tur cos di nan banda y demostra cu for di un edad jong ya caba na Aruba nos por goza di tenistanan di calidad.

E competencia a tuma lugar durante 3 dia, esta diabierna 19, diasabra 20 y diadomingo 21 di september.  E categorianan cu a competi tabata: bao 12 aña pa mucha homber y mucha muher, como tambe bao 18 aña pa mucha homber y mucha muher.

Un cantidad grandi di tenista a participa.  Tur tenista ta un ganador riba nan mes door di a presenta y participa, demostrando cu nos hubentud ta dedica nan mes na cosnan positivo.  Asina mes e organisacion mester a premia e participantenan cu a resalta mas.  Siguientemente nos ta presenta e ganadornan durante e ultimo fin di siman.

E ganadornan den e diferente categorianan ta lo siguiente:

Bao 12 aña Boys:

1.     Axel Williams

2.     Sebastian Ruiz

3.     Carlos noguera

Premio di consuelo: Kyle Arends

Bao 12 aña Girls:

1.     Kayla Solagnier

2.     Aethielle Kelkboom

3.     Sofie van Reek

Premio di consuelo: Glaysmar Rivero

Bao 18 aña Boys:

1.     Kevin Yarzagaray

2.     Christian Obadia

3.     Jeannick Pinard

Premio di consuelo: Patrick Leyenaar

Bao 18 aña Girls:

1.     Evelyanne Kelly

2.     Amarylis Lee

3.     Gina van der Veen

Premio di consuelo: Melissa Salomo

Tur ganador a ricibi un trofeo for di e representante di Guardian Group Fatum esta señora Madel Jacopucci y president di ALTB señor Ronald Tchong.

Guardian Group Fatum y ALTB ta gradici e mayornan cu a laga nan yiunan participa, ARC pa host e torneo y especialmente e hobennan cu a participa.  Nan ta yuda engrandece e deporte di tenis na nos isla, demostrando calidad y integridad den cosnan positivo pa e hubentud di Aruba.

Guardian Group Fatum y ALTB ta invita tur persona cu kier practica e deporte aki pa tuma contacto cu ARC of cu ALTB.  Guardian Group Fatum kier felicita un biaha mas e tenistanan cu a participa y ganadornan pa nan tremendo presentacion.