E campeonato ta wordo organisa pa Global Tang Soo Do Asociacion bao encargo di e gran maestro Koreano, Tong Hwan Kim.  E campeonato lo tuma lugar e dia 25 na Atlanta, Georgia.  E atleta Wester lo participa den e disciplinanan di “sparring/ combate y forms”.  Despues di e campeonato e lo biaha pa Connecticut caminda e lo entrena e dianan 26 y 27 cu e organisacion Mi Guk Kwan di e gran maestro Charles Ferraro, aki Sherwin lo atende un clinica den “sparring, forms y weapon forms”.

Den e ultimo añanan hopi federacionnan y asociacionnan mundial a uni y cera cabes caminda tur por encontra nan mes y comparti conocemento y eleva e nivel di Tang Soo Do.  Aruba su atletanan sigur no ta keda atras y ta haci bon papel durante campeonatonan di Tang Soo Do.  Algun siman atras, e atleta Niels Stock a logra e titulo di campeon di Europa di blackbelt den sparring.

Den 2015 World wide Tang Soo Do Family lo host e siguiente campeonato mundial na Las Vegas, Nevada y Aruba su atletanan ta den pleno preparacion pa cu esaki.

Cumprando weganan di Lotto, e Loteria di Aruba bo ta contribui na deporte riba nos isla.  Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.