Durante e fin di siman tras di lomba a tuma lugar e Caminata Roos cual a wordo organisa pa Mary Joan Foundation. 

E Caminata Roos cual a wordo patrosina pa Yoplait y AWA, tin como meta pa crea concientisacion den nos comunidad ariba e prevencion di Cancer di pecho.  Mary Joan Foundation tambe tin como meta pa brinda ayudo y asesoria tanto na e pashentnan como na nan famianan.

E caminata aki a conta cu un cantidad masal di participantenan manera por aprecia na e combinacion di imagennan.  Prome cu e inicio di e caminata, e participantenan a haya un sesion di Zumba pa warm up.  Mary Joan Foundation kier a gradici na tur esnan cu a participa of cu simplemente a coopera cu e fundacion door di cumpra nan t-shirt cu e ticket.