E torneo aki tabata bao encargo di Kyo Sah Nim Richard Vrolijk y Kyo Sah Nim Sherwin Wester.

  Pa exactamente 9:00 mainta e torneo a cuminsa cu e categoria di mucha 4, 5 y 6 aña.  E muchanan aki a mustra na agilidad pa coordina tecnica y patronchi di cana.

  E competidornan por a compete den 4 sorto di categoria cualnan ta sparring (bringamento), forms, team forms y weapon forms.  Por a nota un crecemento den e categoria team forms (team Hyungs) e biaha aki cu no mas cu cinco (5) team di participante.

  Den e categoria Pee Wee mucha muher, e rumanan Ziara Geerman a sali na prome lugar y su ruman Zazsy Geerman na di prome lugar den forms.  Un division mas halto 6-7 aña mucha muher nos tin Kayleen Ras cu oro.  Den categoria oraño Ion Wester a bay cu e medaya di Oro, Cayron Wester medaya di Plata, Brad Semerel Plata, Logan Ras medaya di brons.

  Den categoria sparring 9-12 aña bruin-cora Loren Muffat-Meridol cu oro (forms oro), Tiffany Muffat-Meridol cu medaya di plata (forms plata) y Hannalie Hirdaramani brons den sparring y forms.  E tres damitanan aki a saca oro den team forms cu Bo-staff haciendo Bong Hyung Il Bo.

  Den e categoria berde-bruin mucha homber nos tin Samuel Velasquez na prome lugar, Gael Wever na di dos lugar y Emilio Kelly na di tres lugar.  Den forms Ryvic Simmons a sa di conquista e medaya di oro, Gael Wever plata, y Emili Kelly Brons.  Division adulto berde-bruin damas nos tin Marcia Geerman na prome lugar y Sita Albertsz na di dos lugar.

  Gategoria teenagers nos tin Jerzy Geerman na prome lugar den Sparring, Arvice Dijkhoff na di dos lugar, Lotte Stock na di tres lugar.  Teenagers division masculino Blackbelt nos tin Bas Stock cu medaya di oro den sparring y Jermaine Lampe cu medaya di silver. Den categoria Team forms Blackbelt masculino nos tin Jermaine Lampe y Bas Stock cu prome lugar y categoria damas Shadee Lampe cu Izra Thiel na prome lugar.

  Den categoria adulto blanco-oraño Ryan Oduber a bay cu e prome lugar den Sparring y prome lugar den forms.

  Aruba Hapkido Association, Aruba Tang Soo Do Shi Sun y Fighting Eagle Academy kier a gradici Sportsubsidie y fundacion Lotto pa Deporte pa nan tremendo aporte na nos hobennan.

  Aruba Hapkido Association, Aruba Tang Soo Do Shi Sun y Fighting Eagle Academy kier a invita tur nan miembronan pa nan siguiente torneo na fin di April cu ta carga e nomber ‘Koningsdag Tang Soo Do Challenge 2015’.  Tambe kier a invita tur ex-practicadornan di Tang Soo Do di tur nivel di nos organisacion of otro pa join nos den e challenge aki.  Haci bo (so) come back y join nos den nos preparacion pa e International Youth Tang Soo Do Championship na October benidero na Renaissance Convention Center.  Pa cualkier informacion por contact nos na This e-mail address is being protected from spam bots, you need JavaScript enabled to view it