esaki lo ta bao di guia di Shidoin Robert Silva, prome Dan di International Shotokan Karate Do Shobukai, kende den ultimo añanan a sa di recohe bastante experiencia internacional participando na campeonatonan y seminarionan den exterior.

  Na e acto di apertura tawata presente diferente respresentantenan di gremio di deporte, tabata presente Sr. Eric Gomez representando ASU, Sra. Joselin Croes y Sensei Paul Langerak representando Aruba Karate Bond AKB, Igualmente representantenan di Dojo Boje y Japan Karate Do Ryobu Kai.

  Durante e ceremonia di aperture, Kyoshi Jose Witik, President di International Shotokan Karate Do Shobukai tambe representante pa e continente di America y Caribe di e organizashon grandi cu ta “The World Shotokan Union” a hiba palabra y a menciona e tremendo trabao di e organizacion na Aruba cual den 2 aña di tempo despues di un reorganizacion a sa di crese di un dojo cu 2 faha preto cu 5 alumno pa awor tin 7 faha preto cual nan ta: Sensei Gustavo Velasquez, Sensei Jose Miguel Lamelo, Sensei Hector  Simosa, Shidoin Robert Silva, Shidoin Juan Ras, Shidoin Juan David Velasquez y Shidoin Mario Antonio Croes, y mas di 80 alumno a riba e fecha ey inaugurando un Segundo dojo.

  Academia WSKU Aruba lo ta habri pa comunidad di Aruba tur na Gymzaal di La Salle College, Diamars, Diahuebs atardi di 5:30 p.m te cu 7:30 p.m y Diasabra 10 a.m.