Manera a propaganda algun siman atras cu desde 26 di April Canada a manda Aruba dos coach sumamente exitoso pa asina educa y duna sosten pa sigui capacita nos entrenadornan.  Tom Duecette y Rob Guenter ta dos maestro cada un riba nan tereno.  Aunke un dia poco poco fastioso esta un dia festivo pa ta exacto Dialuna 27 di April esta riba dia di Rey un total di 18 miembro di ASB tanto coach nan cu experencia  y youngbloods cu ASB ta entrena pa futuro a atende e promer secion cu a inicia 8am sharp y a termina 2 p.m di atardi.  Despues cu a cuminsa cu un strategia manera e coachnan ta bisa pa kibra e ijs y laga tur hende sinti nan comodo e lesnan a inicia.  Cierto momento a forma gruponan di 2, 3 of 4 pa asina hunto hasi un task of un tarea.  Na final cada grupo mester a manda un presentador dilanti unda a cologa tur e flip chartsnan den e meeting room di Technical Center Angel Bota na Frans Figaroa y cada lider di grupo a duna su presentacion relaciona cu liñanan den defensa y nan tarea specifico.  Notable ta cu tin basta manera nan moderno awendia unda ta usa por ehempel pitcher mucho mas pa cubri of sea back up den cierto hungadanan.  Rob Guentor a duna hopi informacion relaciona con pa educa desde mucha di 8 aña bay ariba como pitcher.  A comparti basta technica y DVD na tur representantena y a comparti un programa pa traha cu mucha cual sigur ASB a aprecia paso esaki ta cay den cuadro di vision di ASB.  Interesante tabata momento cu Rob Guentor a duna un splicacion cu e programa CANPITCH a wordo desaroya den un team di expertonan di New Zeeland, Australia, Canada y USA y a compara tur e systemanan di pitcheo y a desaroya e mihor for di nan.  Diamars atardi 5pm e grupo lo move for di klas pa tereno di Kudawecha unda lo sigui capacita general coach y pitching coach pa cu un systema moderno. Danki na  Subsidie Commissie cu  a aporta pagando e estadia na Hotel cual sigur ta un parti costoso  mientras ASB lo cubri transporte interno, alimentacion, huur di sala y veld etc . Softball den un desaroyo moderno capacitando nos propio trainersnan. Adhunto algun potret di actividad di 27 di April.