Diahuebs anochi e team di Marriott Hotel cu tabata na e ultimo lugar den puntuacion di bowling a haci un come back cu un team motiva pa hunga contra di Fantastic Gardens Perfect Landscaping.

Marriott Hotel a bin cu un team di trahador cu un paar di nomber straño manera: Torro, Mauu, Angel, Julian y Joland pa asina hunga contra di Fantastic Gardens Perfect Landscaping y a gana cu un score di 1098-1042.  Den e di dos wega Marriott Hotel a hunga contra di Caribbean Drip Irrigation cu e siguiente trahadornan: Torro, Jolanda, Mau, Shaft y Angel , mientras cu Caribbean Drip Irrigation a hunga cu: Zahyon, Therxia, Margarita, Ana y Jourdé. Marriott Hotel a bin diahuebs cu un meta pa gana y a haci esaki tambe. Caribbean Drip Irrigation no a logra di score mucho contra di e team di Mariott Hotel na unda cu e score a termina 855-741 pa Marriott Hotel. Diahuebs awor Marriott Hotel ta bay hunga contra di Caribbean Drip Irrigation pa e tercer lugar.  E ganador sea Marriott Hotel of Caribbean Drip Irrigation lo hunga contra di Fantastic Gardens Perfect Landscaping pa e promer of segundo lugar.