Delegacion di bowling a sali pa e torneo CamBowl na Panama |
|
|
|
Wednesday, 28 May 2014 |
E dianan 24 di mei pa 31 di mei proximo lo tuma
lugar na Panama, e torneo di internacional di bowling yama Cambowl Mayor Panama
2014.
E federacion di bowling di Panama hunto cu e
Confederacion di Centroamerica y Mexico lo ta esnan encarga cu e torneo. Paisnan aflia na CONCABA, esta Mexico,
Guatemala, El Salvador, Honduras, Costa Rica y Panama lo ta presente y paisnan
invita lo ta Colombia, Puerto Rico y Aruba. Mirando e tremendo prestacion di
nos atletanan di bowling den e region a haci e invitacion na ARBAS pa Aruba ta
presente cu un delegacion. E atletanan
cu lo representa Aruba den e competencia di CamBowl na Panama ta Jason Odor,
Maurice Figaroa, Brian Helmeyer, Kamilah Dammers. Como coach a biaha James Porter y e miembronan
di delegacion cu ta Chris Dammers y Rita Henriquez.
Tras di
tur federacion cu ta cumpli cu e exigencianan stipula pa e Comision di Subsidio
y su Comision di Tecncico cu ta haci e trabao controlaria, tin e ayudo
financiero necesario pa por cubri tur e gastonan ora cu representa Aruba den
exterior. Fundacion Lotto pa Deporte ta financia
y subsidia mayoria di e federacionnan di deporte na Aruba. Hunto cu e vision di e Minister di Deporte,
Dr. Alex Schwengle, nan ta kere fielmente den e grupo di atleta cu cada dia ta
traha duro na progreso di e deporte local.
|